La povradad en la vegliadetgna è invisibla
Cun Vossa donaziun regalais Vus a persunas pli veglias plaschair da viver e novas perspectivas. Dapi 100 onns ha Pro Senectute tradiziun en il Grischun e sustegna cun ses sis posts da cussegliaziun dapertut là, nua ch'i fa da basegn.
Grazia a Vossa donaziun pudain nus ans engaschar er en l'avegnir per il bainstar da la populaziun pli passada en il Grischun. Nus essan vegnids undrads cun il sigil da qualitad da la Zewo, perquai che nus impundain las donaziuns a moda responsabla. Sco organisaziun d'util public na pajain nus naginas taglias.
Faschai diever da noss formular da donaziun per Vossa donaziun.
Sche Vus vulais far regularmain donaziuns a nus, ans infurmai per plaschair. Alura tramettain nus a Vus ina giada l'onn in cedel da pajament cun code QR ensemen cun il rapport annual.
La donaziun da malencurada u la donaziun en occasiun d'in eveniment pudais Vus far via pajament da banca sin IBAN CH59 0900 0000 7000 0850 8. N'emblidai betg d'agiuntar l'annotaziun correspundenta «Donaziun mortori Renzo Vieli», «Giubileum da Susi e Ruedi», etc. per che nus possian attribuir la donaziun a Voss eveniment.
Exempel per in'annunzia da mort:
«Empè da flurs u regals supplitgain nus Vus da pensar a persunas pli veglias en miseria ed a la Pro Senectute Grischun, Alexanderstrasse 2, 7000 Chur, IBAN CH59 0900 0000 7000 0850 8».
Nus engraziain per donaziuns da malencurada u per donaziuns en occasiun d'in eveniment. La famiglia en cordoli u la famiglia da festa survegn l' infurmaziun davart il dumber da las donaziuns e davart l' import total.
Gidai nus da sustegnair er las generaziuns suandantas cun ans resguardar cun ina ierta u cun in legat en Voss testament.
Taxas en cas da donaziuns electronicas
Resguardai per plaschair che per donaziuns online resultan taxas dals purschiders da pajamaints. Quellas varieschan tuot tenor la metoda da pajament tschernida. Las taxas las pli pitschnas resultan, sche Vus transferis Vossa donaziun per e-banking, saja quai cun endatar il numer IBAN u cun far diever d'in certificat da pajament QR. Autras metodas da pajament sco TWINT, carta da credit u portals da donaziuns chaschunan per regla custs pli auts ch'il pajament per e-banking.
Il sigil da qualitad da Zewo
Nus essan vegnids distinguids cun il sigil da qualitad da Zewo per il diever responsabel da donaziuns. Sco organisaziun d'utilitad publica essan nus liberads da la taglia.