Servetsch da distgargia e d'accumpagnament Cuira e conturn
Tgirais ed accumpagnais Vus in confamigliar e duvrais Vus ina giada u l'autra ina pausa? Vivais Vus sulet a chasa, en in'abitaziun per attempads u en la chasa d'attempads ed essas magari cuntent da survegnir agid durant far cumissiuns u autras activitads?
Nossas collavuraturas e noss collavuraturs distgargian gist al lieu persunas che tgiran lur confamigliars u visitan ed accumpognan senioras e seniors che vivan sulets.
Assister e tgirar confamigliars pli vegls – in manual per il Grischun
Da confamigliars che tgiran persunas pli veglias na vegn savens betg fatg cas, els na sa mettan betg en il focus. Nus appreziain els sco acturs centrals en la rait da provediment da la tgira a chasa. Ad els è deditgà il manual per confamigliars che assistan e tgiran.