Collavuraturas e collavuraturs per las purschidas da distgargia
Vulais Vus sustegnair persunas pli veglias che vulan viver uschè ditg sco pussaivel en lur conturn enconuschent? Alura fiss in'activitad en las suandantas purschidas da distgargia exact il dretg:
Per senioras e seniors cun relaziuns finanzialas survesaivlas emplenis Vus la decleraziun da taglia annuala. Igl è d'avantatg, sche Vus essas spezialista u spezialist da finanzas u da taglias.
Il servetsch administrativ porscha a persunas pli veglias sustegn individual, discret e cumpetent. Vus sustegnais senioras e seniors en l'administraziun ed essas per els ina persuna da confidenza e da referiment impurtanta. Nus preparain Vus per tals engaschaments.
Durant che la persuna d'assistenza è absenta surpigliais Vus l'accumpagnament dal confamigliar. Nus preparain Vus per quest'incumbensa. Igl è d'avantatg, sche Vus avais gia experientscha d'accumpagnar persunas che dovran assistenza u tgira.