REGURDAR – In project da scriver da Pro Senectute Grischun
Per il Di internaziunal da las persunas attempadas 2026 envida Pro Senectute Grischun persunas da 65 onns e dapli ad inoltrar in text persunal cun referiment al Grischun.
Regurdar vul dir: raquintar la vita.
Per il Di internaziunal da las persunas attempadas 2026 envidain nus Vus ad inoltrar in text persunal che ha ina colliaziun cun il Grischun!
Scrivai da muments, inscunters u regurdientschas che han influenzà Vossa vita – allegraivels, pensivs, tristgs, poetics u plain quotidian: mintga istorgia (con)ta.
Il project n’è betg in concurs. I na sa tracta betg da gudagnar, mabain da cundivider – da visibilitad, participaziun e dal valor da l’experientscha da vita.
Co pudais Vus participar:
- Vus avais almain 65 onns;
- Voss text ha in referiment al Grischun;
- Furmas pussiblas: raquint, novella, poesia, essai, dialog ecc.;
- Lunghezza maximala: 2 paginas A4 (ca. 5000–7000 segns, inclus spazi);
- Linguas: tudestg, talian u rumantsch;
- Inoltraziun:
- cun formular digital,
- via e-mail a erinnern@gr.prosenectute.ch (cun formular emplenì),
- per posta cun la remartga «Regurdar» a: Pro Senectute Grischun, Geschäftsstelle, Alexanderstrasse 2, 7000 Chur (cun formular emplenì);
- Termin d'inoltraziun: 31 da matg 2026
Participaziun digitala
Qua vai tar la participaziun digitala.
Finiziun festiva
Ils 1 d’october 2026, il Di internaziunal da las persunas attempadas, festegiain nus ils texts inoltrads e lur auturas ed auturs. In festival da pleds, regurdientschas ed inscunters.